O' tiemp' comme vola simmo arrivati gia' ad Aprile

e nun 'è che e' cuminciato chino e sole e primavera,

no no ancora fridd ma allora stong

nu poco e' cchiu' al calduccio ? Che ne dicite.

'A sera quanno 'o sole se ne trase e da' a cunzegna a luna p''a nuttata,

lle dice dinto 'a recchia: "I vaco a casa: t'arracumanno tutt' 'e nnammurate"...

Mae' grazie tante pe' tutte 'e cose belle che nce puorte e che nce dice.

'a puesia d'o Pizzauio' è sfiziusella assaje..

aggio stipato pure questa tanto m'è piaciuta..



'0 friddo e 'o viento allucca e sisca pe' trasì. Chi è che ggià parlave

'e primavera?

Nu viecchie cuntadine m'ha ditte che è ancora chillu curte e dispettuse 'e febbraje che primma 'e se ne ji ,vo lascià 'o segno..

Speramme che se decide 'e se ne ji ambressa.



Marò, quante cose brutte stanne succerenno 'ncoppa a stu munno.

ma nun perdimme 'a speranza ca primma o poi tutto s'aggiusta.

"So' doje sore: 'a riccia e a frolla

Miez'a strada, fann'a folla.

Chella riccia è chiù sciarmante:

Veste d'oro ed è croccante,caura,doce e profumata.

L'ata,'a frolla,è na pupata. E'chiù tonna,è chiù modesta,

Ma si 'a guarde,è già na festa!

Quann'e ncontre ncopp'o corso t'e vulesse magnà a muorze,

E sti sore accussì belle sai chi so' ?



So' 'e sfugliatelle!"



Maè, a Carnevale 'e sfugliatelle nun possono mancà..

Vuje che dite?

Soldatì, tu sii oviramente nu zucchero



é overo si trasissero Lorè, Tinarè e tuttequante facimme festa a Piedigrotta cu 'e fuochi a mare..

ma 'a Maestrabellella nun m 'a pozzo scurdà..

Petramente c' aggio stipate tuttecose, tengo sta bella puisia d'a Maestra:



" Bonanotte guagliune cari

pezzulle 'e core d''o core mio...

'A maestra ve pensa e canta

na ninna nanna pe' v'addurmì.

Dint'a na connola ve cunnulea,

nu suonno d'oro,nu suonno argiento

arriva doce e l'uocche ve enzerra....

E bonanotte a sti guagliune

cu 'o core buone e cu 'a capa janca,

ca 'e vulè bbene, io maje me stanco...